തിരുവനന്തപുരം: എസ്എസ്എല്സി ഗ്രേഡിംഗ് സമ്പ്രദായത്തിന്റെ ഭാഗമായി വിദ്യാര്ഥികള്ക്കും രക്ഷിതാക്കള്ക്കും ബോധവത്കരണ പരിപാടി കൂടി നടപ്പിലാക്കും.
നവംബര് 25ന് ശേഷം രക്ഷിതാക്കള്ക്കും വിദ്യാര്ഥികള്ക്കുമുള്ള ബോധവത്കരണ പരിപാടി സംഘടിപ്പിക്കും. ഗ്രേഡിംഗ് സമ്പ്രദായത്തിനായുള്ള കര്മപദ്ധതി നടപ്പിലാക്കുന്നതിന് 1,77,07,422 രൂപയാണ് ചെലവ്. ഡിപിഐയടെയുുംം എസ്സിഇആര്ടിയുടെയും എസ്എസ്എയുടെയും ഫണ്ടുകള് നിന്നായിരിക്കും ഈ ചെലവ് ഈടാക്കുന്നത്.
അധ്യാപകര്ക്കായുള്ള അഞ്ച് ദിവസത്തെ സംസ്ഥാനതല ശില്പശാല ഒക്ടോബര് 31 ഞായറാഴ്ച സമാപിച്ചു. എട്ടും ഒമ്പതും ക്ലാസുകളില് ഗ്രേഡിംഗ് നടപ്പിലാക്കുന്നതിലുണ്ടായ ദോഷങ്ങള് പത്താം ക്ലാസില് ഗ്രേഡിംഗ് നടപ്പിലാക്കുന്ന പ്രക്രിയയെ ബാധിച്ചിട്ടുണ്ടെന്ന് അധ്യാപകര് ചൂണ്ടിക്കാട്ടി.
പാഠപുസ്തകങ്ങളുടെയും സോഴ്സ് ബുക്കുകളുടെയും ലഭ്യതയിലെ അപര്യാപ്തതയെയും അധ്യാപകര്ക്കുള്ള കാര്യക്ഷമമല്ലാത്ത പരിശീലനത്തെയും സ്കൂളുകളില് അടിസ്ഥാന സൗകര്യങ്ങളില്ലാത്തതിനെയും കുറിച്ച് പരാതികളുണ്ടായി.
