കൊച്ചി: നിലവിലുള്ള സര്വകലാശാലകളില് നിന്നും സഹകരണം ലഭിക്കാത്തതിനാല് സ്വകാര്യ സര്വകലാശാല രൂപീകരിക്കാന് സ്വാശ്രയകോളജുകള് ആലോചിക്കുന്നു. ഇതുസംബന്ധിച്ച നടപടിക്രമങ്ങളുമായി മുന്നോട്ടുപോകാന് സ്വാകാര്യഎഞ്ചിനീയറിംഗ് കോളജ് മാനേജ്മെന്റ് യോഗം തീരുമാനിച്ചു.
സ്വാശ്രയകോളജുകളുമായി ബന്ധപ്പെട്ട അസോസിയേഷനുകളും മറ്റു സ്വകാര്യകോളജുകളും ഇതുസംബന്ധിച്ച് അനുകൂലമായ നിലപാടണു സ്വീകരിച്ചിരിക്കുന്നതെന്ന് യോഗത്തില് സംബന്ധിച്ച സ്വകാര്യകോളജ് മാനേജ്മെന്റ് പ്രതിനിധി ജിപിസി നായര് പറഞ്ഞു.
100കോടി ചിലവില് 50 ഏക്കര് സ്ഥലത്തായിരിക്കും സര്വകലാശാല സ്ഥാപിക്കുക. എല്ലാ സ്വാശ്രയകോളജുകളും ഈ സര്വകലാശാലക്കു കീഴില് വരും.
ഗവണ്മെന്റ് അനുമതി ലഭിച്ചാല് 2006-2007നുള്ളില് സര്വകലാശാലയുടെ പണിതീര്ക്കാമെന്നാണു കരുതുന്നത്.
സ്വാശ്രയകോളജുകള്ക്ക് അംഗീകാരം നല്കുന്നതിലും പരീക്ഷാനടത്തിപ്പിലും നിലവിലുള്ള സര്വകലാശാലകള് വീഴ്ച വരുത്തുകയാണെന്നും അതുവഴി വിദ്യാര്ത്ഥികള് ബുദ്ധിമുട്ടിലാവുകയാണെന്നും അദ്ദേഹം പറഞ്ഞു.
